لا صرت بايعني اشوفك على خير .. مع السلامة دام مابه سلامة
قلت انتهينا قلتلك خير ياطير ... ماني بأول شخص يخسر غرامة
محذرك من قبلها الف تحذير ... لاعفتني بيعيف قلبي هيامة
ماني بميت لا ولا احتاج تبرير ... صح الله لسانك ووفر كلامة
بسمعك حبكة وفكرة وتصوير ... وافهم عدل يامدعي بالفهامة
وجة الشعر ابيض ويحتاج تغيير ... ودي تزين هالقصيدة علامة
ماضيك الاسود بذكرة دون تقصير ... كذا يكون بخد هالشعر شامة
يصدق معي تعبير ويخون تعبير ... ياضيعة الشاعر بوقت انسجامة
يمكن خطا ادونك بالشعر مير ... لو ماحترمتك للغرام احترامة
ماكان حبك غير بس طعنتك غير ... علمتني معنى الندم والندامة
ماجاك مني اي زلة وتقصير ... كل ماخطيت اعاتبك ببتسامة
حسبي على الذكرى اذا هبت عصير ... ماعاد تنفع شرهتي والملامة
البال ظامي وقتها والحزن بير ... خسرتك وهمي كسبت اهتمامة
والليل فازعلك كذا جاني مغير ... ظلمتني واكثر ظلمني ظلامة
لاقبل علي اوحيت صوت المسايير ... وفزيت كل ضيف يقوم بمقامة
وليا عزم هالليل ضيقة وتفكير ... قلي بربك كيف بقدر انامة
مافية داعي للعتب والمعاذير ... الغدر خال الجرح واطيب عمامة
اما يجيب الله مطر تالي وخير ... ولا السلامة ماش مامن سلامة