يا بوي اسمع وصاتي

يا بوي إسمع وصاتي لك إمصيبه شفعك على المدى خذ ها تجاريب
أوصيك بالفروض الخمس ما هن معيبه صوم وصلي وذكر الله مواجيب
إحرص من سود العمايل والريبه وإياك تتبع ادروب الفساد معاره ومعيب
لا ترافق النذال ايوقعوك بمصيبه إتبع طرق الشرف والشهامه والطيب
لا تناسب البخيل يكون نسيبه الردي ردي نسبه إمعيب
خذ بنت الأصل عز النسيبه مهما يطلبو أهلها إدفع ما تخيب
اللي أهلها صيتهم با لبلد حسيبه يكرمون الظيف نعم المعازيب
لا توخذ بنت الرديه الهليبه تصبح وتمسي ابقيلاً وقال وتكذيب
خذ نصيحتي ترى ما هي لعيبه لا تقرب الما يفهمون الردى والعيب
جالس اهل الشرف خالين المعيبه ترتاح لهم ايرتبون الهرج ترتيب
خذ بنت العم انضل من الغريبه لو البيض بهن فرق وزين عجيب
أياك تهرج بالدواوين هرج غيبه الهرج بعرض الناس عار ومعيب
هذه القصيدة للمرحوم: محمد إعرابي الجاموس أبو عاطف/////طبعاً القصيدة مو كاملة هذه بعض الأبيات